काठमाडौं । नेपालले आज (मंगलबार) केन्यासँग अन्तिम तथा निर्णायक खेल खेल्दैछ । केन्यासँग नेपालको पाँचौ तथा अन्तिम टी–२० खेल दिउँसो ३: ४५ बजेदेखि सुरु भएको हो । पहिले ब्याटिङ रोजेको नेपालले निर्धारित २० ओभरमा ७ विकेट गुमाउँदै १७६ रनको लक्ष्य दिएको छ । ज्ञानेन्द्र मल्लले ४४ बलमा ५९ रन बनाए । यस्तै ए साउदले २९, दीपेन्द्रसिंह ऐरीले २२, आरके पौडेलले ४७ रनको योगदान दिए ।
यसअअघि भएका चार खेलमा दुवै देशले दुई/दुई खेलमा जित हासिल गरेका छन् । नेपालले पहिलो र तेस्रो खेल जितेको थियो भने केन्याले दोस्रो र चौथो खेल जितेको थियो । चौथो खेलमा नेपाल केन्यासँग नेपाल ७ रनले पराजित भएको थियो । विभिन्न खेलको मूल्यांकन गर्दा नेपालको ब्याटिङ कमजोर देखिएको छ । आजको खेल जित्न नेपालले ब्याटिङमा सुधार गर्न जोड दिनुपर्ने देखिएको छ । पछिल्लो वरीयतामा नेपाल १५औं स्थानमा झरेको छ ।
