काठमाडौं । श्रीलंकामा जारी १७ वर्षमुनि पुरुषतर्फको साफ फुटबलमा नेपालले आज (बुधबार) भुटानसँग खेल्ने भएको छ । दुई देशबीचको खेल कोलम्बोको रेस कोर्स मैदानमा साँझ ८ बजेदेखि सुरु हुनेछ ।
नेपालले आज भुटानसँग पहिलो खेल खेल्न लागेको हो । गएको सोमबार भएको उद्घाटन खेलमा भारतले भुटानलाई शून्यका विरुद्ध ३ गोलले पराजित गरेको थियो ।
त्यस्तै अर्को खेलमा बंगलादेशले श्रीलंकालाई ५-१ गोल अन्तरले हराएको थियो । प्रतियोगितामा बंगलादेश, श्रीलंका, माल्दिभ्स, नेपाल, भारत र भुटान सहभागी छन् । दोस्रो खेलमा नेपालले भारतसँग शुक्रबार खेल्ने भएको छ ।
