काठमाडौँ । बर्नमाउथ एफए कप फुटबल प्रतियोगिताको पाँचौँ चरणमा पुग्ने पहिलो टोली बनेको छ । बर्नमाउथ चौथो चरणको खेलमा च्याम्पियनसिप क्लब स्वान्सीलाई ५–० गोलको फराकिलो अन्तरले हराउँदै प्रतियोगिताको पाँचौँ चरणमा पुगेको हो ।
एकपक्षीय खेलको १४ मिनेटभित्र बर्नमाउथले तीन गोल गरिसकेको थियो । खेल सुरु भएको सातौँ मिनेटमै लोयड केलीले बर्नमाउथका लागि पहिलो गोल गरेका थिए । १०औँ मिनेटमा एलेक्स स्कटले टोलीको अग्रता दोब्बर बनाएका थिए ।
निर्धारित समयको १४औँ मिनेटमा लुइस सिनिसटेराले तेस्रो गोल थपेका थिए । बर्नमाउथले बाँकी दुई गोल पनि खेलको पहिलो हाफमै गरेको थियो । निर्धारित समयको ३५औँ मिनेटमा डेभिड ब्रुक्सले टोलीलाई ४–० गोलको अग्रता दिलाएका थिए । पहिलो हाफको खेल सकिनुभन्दा एक मिनेटअघि डोमिनिक सोलान्केले टोलीका लागि पाँचौँ गोल थपेका थिए ।
