दाङ ३ फागुन/दाङमा ड्युटीमा खटिएकी एक महिला प्रहरी माथी गोली हानी हत्या गरिएको छ । घोराहीको दामोदर चोकमा ड्युटीमा रहेकी महिला प्रहरीको गोली हानेर हत्या गरिएको हो ।
वडा प्रहरी कार्यालय घोराहीमा कार्यरत प्रहरी जवान धनमाया थापाको गोली उनकै श्रीमानले हानेर हत्या गरेको जिल्ला प्रहरी कार्यालय दाङले जानकारी दिएको छ ।
घटना करिब साढे ७ बजे भएको हो । गोली हानेर भाग्दै गरेका यमबहादुर झाक्रीलाई लमही अर्जुनखोलाबाट पक्राउ गरेको प्रहरीले जानकारी दिएको छ । झाक्री नेपालगञ्जमा कार्यरत प्रहरी रहेको प्रहरीले बताएको छ । थापाको मृत्यु भएको अस्पतालले अझै घोषणा गरेको छैन ।
