दाङ, ३० जेठ । दाङकाे तुलसीपुरमा चक्कु प्रहारबाट एक युवक गम्भिर घाइते भएका छन् ।
बुधबार राति साढे १२ बजेकाे समयमा तुलसीपुर-४ मजुवा ठूलाखाली चाेक बस्ने वर्ष २४ का गाेरखलाल खड्कालाई चाेकमा बसिरहेकाे अवस्थामा सामान्य विवादपछि चक्कु प्रहार गरेका थिए । चक्कु प्रहारबाट खड्काकाे ढाडमा गहिराे चाेट लागेकाे छ ।
खड्कालाई राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागि नेपालगन्ज रिफर गरिएकाे छ ।
उनकाे अवस्था गम्भिर रहेकाे इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
चक्कु प्रहारमा संलग्न तुलसीपुर ४ का २१ वर्षीय पवन केसीलाई चक्कुसहित प्रहरीले पक्राउ गरेकाे छ । घटनामा संलग्न साेहि ठाउँका १८ वर्षीय झक्कु वली र करिव २२ वर्षीय विकाश पुन पनि पक्राउ परेका छन् ।
घटना स्थलबाट प्रहरीले रा६प ५०, रा४प ५२४ र रा६प ४०६२ नम्बरकाे माेटरसाइकलाई नियन्त्रणमा लिएकाे छ ।
