तुलसीपुर, ०१ भदौ । दाङमा मोटरसाइकल दुर्घटना हुँदा एक युवकको मृत्यु भएको छ । मृत्यु हुनेमा दंगीशरण गाउँपालिका वडा नं. ५ निवासी २५ वर्षीय सम्राट गिरी रहेका छन् ।
तुलसीपुरबाट पश्चिमतर्फ जाँदै गरेको रा१त १४२२ नम्बरको मोटरसाइकल दंगीशरण वडा नं. ५ डाँडाचिसमा रोकिराखेको लुम्बिनी प्रदेश ०२-००१ प ०९४६ नम्बरको टेक्टरसँग गएराती १० बजेको समयमा ठोक्किएको थियो ।
दुर्घटनामा परी गम्भिर घाइते भएका गिरीको राप्ती प्रादेशिक अस्पताल तुलसीपुरमा उपचारको क्रममा मृत्यु भएको प्रहरीले बताएको छ ।
