दाङ ११ भदौ/ दाङमा करेन्ट लागेर एक जनाको मृत्यु भएको छ । मृत्यु हुनेमा घोराही उपमहानगरपालिका–१२ डाँडागाउँ निवासी ६८ वर्षीय बुद्धिराम चौधरी रहेको जिल्ला प्रहरी कार्यालय दाङले जनाएको छ ।
चौधरीलाई मंगलबार बिहान आफ्नै गोठको छानामा फलेको तरकारी टिप्ने क्रममा विद्युतको नाङ्गो तार छुन जाँदा करेन्ट लागेको थियो । चौधरीको घटना स्थलमै मृत्यु भएको जिल्ला प्रहरी कार्यालय दाङका प्रहरी नायब उपरीक्षक रामप्रसाद तिमल्सिनाले जानकारीले दिनुभयो ।
चौधरीको शव पोष्टमार्टमका लागि राप्ती प्रादेशिक अस्पताल तुलसीपुरमा राखिएको छ ।
