रोल्पा,२६ पुस । रोल्पाको त्रिवेणी गाउँपालिका- ४ सिमपानीमा पिकअप जिप दुर्घटना एक जनाकाे घटना स्थलमा नै मृत्यु भएको छ । दुर्घटनामा परेर चालकको मृत्यु भएको र गाडीमा सवार अन्य तीन जनाको अवस्था गम्भीर रहेको प्रहरीले जनाएको छ ।
रोल्पाको जुंगार देखी दाङ जाने सडक खण्डमा माडी गाउँपालिका-१ पाटि खोला देखि सुन्तला लोड गरी नेपालगंज तर्फ जाँदै गरेको लु १ च ८६८७ नम्बरको पिकअप जिप अनियन्त्रित भई बाटो देखि करिब२०/२५ मिटर तल खसेको थियो ।
दुर्घटनामा परेर सवारी चालक माडी गाउँपालिका-१ भित्ताबाङ बस्ने २० वर्षीय हुकुम घर्ति मृत्यु भएको जिल्ला प्रहरी कार्यालय रोल्पाका प्रहरी निरीक्षक रोहित कुमार शाहीले जानकारी दिनुभयो ।
घाइते हुनेहरूमा गाडीमा सवार त्रिवेणी गाउँपालिका-४ चर्कि बस्ने चन्द्र बिर घर्ति मगरको छोरी बर्ष १४ कि दिलमाया घर्ति मगर, सोही ठेगना भएकी कमल घर्तिको छोरी बर्ष १२ कि सरीता घर्ति मगर र नुवागाउ बस्ने सुकेन्द्र बाठामगर को छोरी बर्ष ११ कि करुणा बाठामगरको अवस्था गम्भीर रहेको प्रहरीले जनाएको छ । यि बालिकाहरुको सामान्य उपचार पश्चात थप उपचारको लागी दाङ तर्फ पठाईएको बताइएको छ ।
