राेल्पा, ८ माघ । रोल्पामा यात्रुबाहक बसको ठक्करबाट एक वृद्वाको मृत्यु भएको छ ।
मृत्युु हुनेमा रुन्टीगढी गाउँपालिका-६ कुर्जा निवासी ७५ वर्षिय पैदलयात्री मनबुजा बिक रहेका छन । घटना मंगलबार दिउँसो पाैने ५ बजेको समयमा भएको थियो।
रुन्टिगढी गाउपालिका वडा न ६ कानकुटे डाँडा स्थित भित्रि सडक खण्डमा घोराहीबाट डुब्रिङतर्फ जाँदै गरेको रा १ ख २३५६ नम्बरको बसले ठक्कर दिँदा मनबुजा बिकको घटनास्थलमै मृत्यु भएको प्रहरी निरीक्षक सरोज प्रजापतिले जानकारी दिनुभयो ।
बसको चालाक जिल्ला रोल्पा रुन्टिगढी गाँउपालिका-५ भर्तिवन बस्ने बर्ष ३४ को लेखराज दसौदी नियन्त्रणमा लिएको प्रहरीले जनाएको छ । घटनाको बारेमा थप अनुसन्धान भैरहेको प्रहरीले जनाएको छ ।
