तेस्रो आँखा
काठमाडाैं,१० असार । दलित भएकै कारण घरबेटीबाट जातीय भेदभावमा परेकी मुना दयाल भनिने सम्झना विश्वकर्माले घरबेटीविरुद्ध जाहेरी दर्ता गराएकी छन् । बुधबार जाहेरी लिन नमानेको जिल्ला प्रहरी परिसर भक्तपुरले बिहीबार मुनाले घरबेटीकी छोरी कविता रायमाझी, उनकी आमा र बाबुविरुद्ध दिएको जाहेरी दर्ता गराएको हो ।
प्रहरी निरीक्षक लोकबहादुर जिसीले मुलुकी फौजदारी कार्यविधि संहिता, ०७४ को दफा ४ को उपदफा ९३० बमोजिम जातीय तथा अन्य सामाजिक छुवाछूत र भेदभावसम्बन्धी कसुर मुद्दा दर्ता भएको जानकारी दिए । बुधबार जाहेरी पत्र लिएर पुगेकी मुनालाई प्रहरीले मुद्दा दर्ता नगरी फर्काएको थियो । फौजदारी मुद्दा भएपनि प्रहरीले पीडकलाई बोलाएर छलफल गर्ने र मिलापत्र गराउने प्रयास गरेको थियो ।
यस अघि प्रहरीले उक्त जाहेरी लिन मानेकाे थिएन्र । प्रहरीले बुधबार जाहेरी नगरेकाे विषयमा तेस्राे आँखा अनलाइनले समाचार प्रकाशन गरेकाे थियाे । मिडियाहरूमा समाचार प्रकाशन भएपछि प्रहरीले मुनालाइ बाेलाएर बिहिबार जाहेरि दर्ता गराएकाे बताइएकाे छ ।
