तेस्रो आँखा
काठमाडौं । नेपाल र केन्याबीचको तेस्रो अन्तराष्ट्रिय टी-ट्वान्टी क्रिकेटमा केन्याले नेपाललाई एक सय ५७ रनको विजयी लक्ष्य दिएको छ ।
नैरोबीको जिमखाना मैदानमा टस जितेर पहिले ब्याटिङ रोजेको केन्याले २० ओभरमा मात्रै दुई विकेट गुमाएर एक सय ५६ रन बनायो । उसका लागि रकेप पटेलले नटआउट ४३ बलमा ७३ र इरफान करिमले ४७ बलमा ५५ रन बनाए । बलिङतर्फ नेपालका सोमपाल कामी र आदिल अन्सारीले एक-एक विकेट लिए ।
पाँच खेलको शृङ्खलामा नेपाल र केन्याले समान एक-एक खेल जितेका छन् । नेपाल र केन्याबीचको चौथो टी–२० खेल भोलि सोमवार र पाँचौँ तथा अन्तिम खेल भदौ १४ गते हुनेछ । नेपालले घरेलु टोली केन्यासँग तीन खेलको एकदिवसीय शृङ्खला खेल्नेछ । पहिलो खेल भदौ १७ गते, दोस्रो खेल १८ गते र तेस्रो खेल भदौ २० गते हुने तालिका छ ।
