तेस्रो आँखा
काठमाडौं । राष्ट्रपति विद्यादेवी भण्डारीले फिर्ता पठाएको नागरिकता विधेयकमाथि राष्ट्रियसभाले छलफलको लागि पठाएको विधायन व्यवस्थापन समितिमा छलफल जारी छ ।
नागरिकता ऐन संशोधन गर्न ल्याएको नेपालको नागरिकता (पहिलो संशोधन) विधेयक २०७९ माथि विधायन व्यवस्थापन समितिमा छलफल जारी रहेको हो । राष्ट्रिय सभाअन्तर्गतको विधायन व्यवस्थापन समितिमा सो विधेयकमाथि सोमबार छलफल भएको हो ।
राष्ट्रियसभा र प्रतिनिधिसभाले पारित गरेर प्रमाणीकरणका लागि पठाएको उक्त विधेयकलाई केही विषयमा सुझाव र सन्देशसहित राष्ट्रपति विद्यादेवी भण्डारीले संसदमै फिर्ता पठाएकी थिइन् ।
प्रतिनिधिसभासले पुनः जस्ताको तस्तै पारित गरेर पठाएको विधेयक हिजोको राष्ट्रियसभा बैठकले विधायन समितिमा पठाउने निर्णय गरेको थियो ।
