काठमाडौं । नेपाली राष्ट्रिय फुटबल टिमले आफ्नै मैदानमा बंगलादेशविरुद्ध अन्तर्राष्ट्रिय मैत्रीपूर्ण खेल खेल्ने भएको छ ।
नेपाली टोली एसियन कप छनोट, कुवेतमा खेलेपछि पहिलोपल्ट अन्तर्राष्ट्रिय प्रतिस्पर्धामा उत्रन लागेको हो । असोज ११ मा दशरथ रंगशालामा फ्लडलाइटमा खेलाइने बिहीबार एन्फाले जानकारी दिएको छ ।
कार्यबाहक मुख्य प्रशिक्षक प्रदीप हुमागाईंको प्रशिक्षणमा नेपाली टोली प्रशिक्षणमा रहेको छ । नेपाल–बंगलादेशबीचको मैत्रीपूर्ण खेलका लागि उपाध्यक्ष विराटजंग शाहीलाई संयोजकको जिम्मेवारी दिइएको एन्फाले जनाएको छ ।
