काठमाडौं । पछिल्लो चौबीस घण्टामा नेपालभर कोरोनाका ११० संक्रमित थपिएका छन् । स्वास्थ्य तथा जनसंख्या मन्त्रालयका अनुसार संक्रमनबाट एकजनाको मृत्यु भएको छ ।
मन्त्रालयका अनुसार ३,८२७ जनाको नमुना परीक्षण गर्दा ११० जनामा कोरोना संक्रमण देखिएको मन्त्रालयले नियमित बुलेटिनमार्फत जनाएको हो ।
मन्त्रालयका अनुसार पछिल्लो चौबीस घण्टामा १२६ कोरोना संक्रमित निको भएका छन् । नेपालभर अहिले सक्रिय कोरोना संक्रमितको संख्या भने २,०६२ पुगेको छ ।
