काठमाडौं । डाक्टर गोविन्द केसी त्रिवि शिक्षण अस्पताल काठमाडौंमा भर्ना भएका छन् । अनशनका क्रममा केसीको स्वास्थ्यमा समस्या देखिएपछि उपचारका लागि त्रिवि शिक्षण अस्पताल महाराजगञ्जमा भर्ना भएका हुन् ।
सात बुँदे माग राख्दै धनगढीमा अनशनमा बसेका चिकित्सा शिक्षा क्षेत्र सुधारका अभियन्ता डा. केसी आज बुधवार आफ्नै खर्चमा काठमाडौं आइपुगेका हुन् । उनले अस्पताल भर्ना भए पनि अनशन जारी राख्ने भएका छन् ।
नेपाली सेनाको जहाजमार्फत मंगलबार काठमाण्डौ ल्याउन खोज्दा केसीले अस्वीकार गरेका थिए । स्वास्थ्यमा जटिलता देखिएपछि डा.केसीलाई सेती अञ्चल अस्पतालले सुविधा सम्पन्न अस्पतालमा लैजान सल्लाह दिएको थियो ।
