काठमाडौं । बाढी पूर्वानुमान महाशाखाले झापाका साना खोलामा आकस्मिक बाढी आउन सक्ने सम्भावना रहेको भन्दै सतर्कता अपनाउन आग्रह गरेको छ ।
झापाको केचना, चन्द्रगढी, विर्तामोड, शनिश्चरे, कन्काई, गैडेलगायत इलामको सीमा आसपासका क्षेत्रमा ठूलो वर्षा भइरहेको महाशाखाले जनाएको छ ।
मेची, बिरिङ, निन्दा, बक्राह, मावा रतुवा, अदुवाखोलालगायत झापाका साना खोलामा आकस्मिक बाढी आउन सक्ने सम्भावना रहेकाले दिउँसो १२ बजेसम्म सतर्कता अपनाउन आग्रह गरेको हो । यी क्षेत्रमा थप ठूलो वर्षाको अनुमान गरिएको छ ।
