काठमाडौं । मनास्लु हिमपहिरोमा परि एक नेपाली नागरिक बेपत्ता भएका छन् । सेभेन सम्मिट ट्रेक्स एन्ड एक्सपिडिसन प्रालिका शेर्पा आइतबार दिउसो साँढे तीन बजेतिर गएको हिमपहिरोमा परि बेपत्ता भएको सो कम्पनीका पासाङ फुर्बु शेर्पाले जानकारी दिए ।
प्रहरी उपरीक्षक केदार खनालका अनुसार हिमपहिरोमा परि हराएका शेर्पाको सिम्रिक एयरको हेलिकोप्टरबाट खोजी गरिएको छ । हिमपहिरोमा परी बेपत्ता भएका शेर्पाको पहिचान नभएको शेर्पाले बताए ।
उनका अनुसार दोस्रो शिविरबाट आधारशिविरतर्फ फर्कने क्रममा विभिन्न कम्पनीका चारजना हिमपहिरोमा परेका थिए । अरु तीनजना सकुशल भेटिएको प्रहरीले जनाएको छ ।
