काठमाडौँ,कात्तिक ११ । पश्चिमी वायुको प्रभावका कारण देशभर चिसो बढेको छ । मौसम पूर्वानुमान महाशाखाका वरिष्ठ मौसमविद् वरुण पौडेलले गत हप्तादेखि देशभर तापक्रम घट्दै गइरहेको बताए । पश्चिमबाट हावा चलेको र कहिले काँही उत्तरपश्चिम भेग हिमाल तिरबाट पनि हावा आउने हुँदा चिसो बढेको वरिष्ठ मौसमविद् पौडेलले जानकारी दिए ।
तुलनात्मक रुपमा यो हप्ता यत्तिकै चिसोको अवस्थामा रहने र तापक्रम निरन्तर नघट्ने उनको भनाइ छ । गर्मि सकिएर चिसो मौसम सुरु भएको र देशभरिको तापक्रम घट्दै गएको उनले बताए ।
