काठमाडौँ, कात्तिक १४ । आसन्न निर्वाचनको चुनावी प्रचार अन्तर्गत उम्मेदवारहरुले आगामी १७ गतेदेखि चुनावी सभ ागर्न पाउने भएका छन् । निर्वाचन आयोगले आगामी १७ गते देखि जुलुस, आमसभा, कोणसभा गर्न पाउने जनाएको हो । निर्वाचन आचारसंहिताको दफा १३ मा राजनीतिक दल, उम्मेदवार, दलको भ्रातृ सङ्गठन तथा सम्बन्धित व्यक्तिले जुलुस, आमसभा, कोणसभा, बैठक, भेला वा निर्वाचन प्रचारप्रसारसम्बन्धी कार्य गर्दा पालना गर्नुपर्ने आचरणको व्यवस्था गरिएको छ ।
उक्त दफा १३ (म) मा उम्मेदवारको अन्तिम नामावली प्रकाशन भएपछि मतदान हुने दिनभन्दा १७ दिनअघिदेखि मात्र निर्वाचन प्रचारप्रसारअन्तर्गत जुलुस, आमसभा, कोणसभा गर्न पाउने उललेख छ ।
