मनाङको प्रदेश सभा (क) का कांग्रेसका मुनिन्द्रजंग गुरुङ गण्डकी प्रदेशसभा सदस्यमा निर्वाचित भएका छन्।
उनले १ हजार २ सय ५५ मत ल्याएर एमालेका राजन गुरुङलाई पराजित गरेका हुन्। एमालेका गुरुङले ९ सय २५ मत ल्याएका थिए। मुनिन्द्रले ३ सय ३० मतको अन्तरले जीत हात पारेका हुन्।
मनाङ प्रदेशसभा ‘क’ मा २ हजार २ सय १० मत खसेको थियो। त्यसमध्ये ६ मत बदर भएको निर्वाचन कार्यालयले जनाएको छ।
प्रदेशसभा ‘ख’ मा यसअघि नै राजीव गुरुङ उर्फ दीपक मनाङे सर्वसम्मत निर्वाचित भइसकेका छन्।
