इलाम क्षेत्र नम्बर २ को पछिल्लो मतपरिणाम अनुसार गठबन्धनबाट उम्मेदवार बनेका नेपाली कांग्रेसका डम्बरबहादुर खड्काले नेकपा (एमाले)का उम्मेदवार सुवासचन्द्र नेम्बाङलाई उछिनेका छन्।
साँझ ६ बजेसम्ममा नेम्बाङ खड्काभन्दा ३ सय १ मतान्तरले पछि परेका छन्। आज साँझ ६ बजेसम्म ९ हजार ९ हजार ३ सय ४ मत गणना सकिँदा खड्काको ३ हजार ७ सय ५६ र नेम्बाङको ३ हजार ४ सय ५५ मत आएको छ।
अहिले यो क्षेत्रको माङ्सेबुङ गाउँपालिकाको सबै र चुलाचुली गाउँपालिका वडा १ को गणना सकिएको छ। अब चुलाचुलीका अन्य वडा, माई नगरका वडा ६, ७, ८, इलाम नगरपालिका, देउमाई नगरपालिका र फाकफोकथुम गाउँपालिकाको गणना बाँकी छ।
क्षेत्र २ प्रतिनिधिसभामा १ लाख १५ हजार ४ सय २३ मतदाता रहेकामा ६९ हजार ८५ मत खसेको छ।
