इलाम क्षेत्र नम्बर १ को जारी मतगणनामा नेकपा (एकीकृत समाजवादी) का नेता तथा पूर्वप्रधानमन्त्री झलनाथ खनाल १ हजार ५ सय ७ मतान्तरले पछि परेका छन्।
नेकपा (एमाले) का उम्मेदवार महेश बस्नेतले खनाललाई लगातार अग्रता बढाउँदै लगेका हुन्। अहिले साढे ८ बजेसम्मको गणनामा बस्नेतले १० हजार २ सय ८७ मत ल्याउँदा खनालको ८ हजार ७ सय ८० मत छ। २ घन्टाअघिभन्दा यो मतान्तर २ सयले बढेको हो।
२३ हजार ८ सय ६५ मतगणना सकिएको छ। क्षेत्र १ प्रतिनिधिसभामा १ लाख ९ हजार ५ सय ३५ मतदाता रहेकामा ५९ हजार १ सय ३६ मत खसेको छ।
