सुनसरी निर्वाचन क्षेत्र नं १ बाट जनता समाजवादी पार्टीका उम्मेदवार अशोककुमार राई प्रतिनिधिसभा सदस्यमा निवार्चित भएका छन्।
नेकपा एमालेसँगको तालमेलमा राई दोस्रो प्रयासमा सुनसरी १ बाट निवार्चित हुन सफल भएका हुन्। सोमबार बिहान घोषणा भएको अन्तिम मतपरिणाम अनुसार राईले राष्ट्रिय स्वतन्त्र पार्टीकी उम्मेद्वार गोमा तामाङ (सरिन)लाई ४५३ मतान्तरले हराउदै विजयी भएका छन्। राईले १७ हजार ५९ मत पाउदा तामाङले १६ हजार ६०६ मत पाएकी छिन्। गठबन्धनबाट नेकपा माओवादी केन्द्रका उम्मेद्वार मुक्सामहाङ मेन्याङ्बोले १३ हजार ८७ मत पाए।
सुनसरी १ मा एमालेको समर्थनमा टिकट पाएका राईलाई चुनावी अभिायनमा भोट माग्न जति कठिन थियो, मतगणनाको क्रममा पनि उनले उस्तै गरि संघर्ष गर्नुपरेको थियो। शुरुवातदेखि नै मतगणनामा पछि परेका राईले आइतबारदेखि मात्र अग्रता लिन शुरु गरेका थिए।
