नेपाली कांग्रेसका नेता विजयकुमार गच्छदारले राजनीतिक स्थायित्वका लागि नेपाली कांग्रेस र नेकपा एमालेको संयुक्त सरकार बन्नुपर्ने बताएका छन्। बिहीबार विराटनगरमा पत्रकार सम्मेलन गरी गच्छदारले कांग्रेस र एमालेको संयुक्त सरकार बन्नुपर्ने बताएका हुन्।
उनले पार्टीको संयुक्त प्रयासबाट राजनीतिक परिवर्तन संभव भएजस्तै राजनीतिक स्थायित्व र विकास पनि दुबैपार्टीको संयुक्त प्रयासबाट संभव हुने भएकाले कांग्रेस एमालेको संयुक्त सरकार आवश्यक रहेको बताए।
गच्छदार भन्छन्, ‘राजनीतिक परिवर्तनका सहयात्री दलहरूले राजनीतिक स्थायित्व र विकासमा फड्को मार्नका लागि एक पटक संयुक्त सरकार बनाएर उदाहरण प्रस्तुत गर्नुपर्छ।’ गच्छदारले ७ पटक निरन्तर जितेर यो पटक हार बेहोर्नु परेपनि जनताले आफूलाई सम्मानजनक मत दिएर न्याय गरेको बताए।
