नेकपा एमालेले प्रतिनिधिसभाका ३२ समानुपातिक सांसदको नाम टुंगो लगाएको छ ।
शनिबार बसेको सचिवालय बैठकले २२ महिला र १२ पुरुषको नाम टुंगो लगाएको हो । संघीय संसदमा निर्वाचित कुल सदस्यको कम्तिमा एक तिहाई महिला हुनुपर्ने संवैधानिक व्यवस्थाअनुसार एमालेले प्रतिनिधिसभामा १८ जना महिला भए पनि पुग्थ्यो ।
तर २२ जना पठाइएको छ । बैठकमा अध्यक्ष केपी शर्मा ओलीले प्रतिनिधिसभामै एक तिहाई महिला पुर्याउने भन्दै २२ जना पठाउने प्रस्ताव गरेका थिए । स्रोतका अनुसार यस्तो प्रस्ताव गर्नुमा सुनीता बराललाई प्रतिनिधिसभामा पठाउने इच्छाले पनि काम गरेको एमाले नेताहरु बताउँछन् ।
खासआर्य महिलाबाट मेनका पोखरेल, सरिता भुसाल, शोभा ज्ञवाली, विजुला रायमाझी, निर्मला कोइराला, सम्झना थपलिया, दीपा शर्मा र सुनीता बरालको नाम पठाइएको छ ।
बादल पनि सांसद
एमालेले पठाएको समानुपातिक सांसदको सूचीमा उपाध्यक्ष रामबहादुर थापा बादलकी पत्नी नैनकला पनि छिन् । ओली सरकारमा झण्डै एक महिना सञ्चारमन्त्री बनेकी थापालाई यो पटक आदिवासी जानजाति महिलाको पहिलो नम्बरमा राखिएको थियो ।
उनीसँगै सूर्यकुमारी श्रेष्ठ, उर्मिला थेवे, ईश्वरी घर्ती, रणकुमारी बलाम्पाकी, शान्ति श्रेष्ठ र सरस्वती सुब्बाको नाम पठाइएको उपमहासचिव पृथ्वीसुब्बा गुरुङले जानकारी दिए ।
यस्तै चुनावको मुखमा जनता समाजवादी पार्टी (जसपा) छाडेर एमाले अमृता अग्रहरि पनि एमालेबाट सांसद बनेकी छन् । मधेसी महिलामा अमृतलाल राजवंशी, विना देवी, अमृता अग्रहरि र प्रतीक्षा तिवारी मुखिया तथा थारुबाट आश्माकुमारी चौधरी र शान्ति चौधरीको नाम पठाइएको छ ।
एकनाथ एमालेबाट सांसद
एमालेले १२ जना पुरुषलाई समानुपातिक सांसद बनाउन सिफारिस गरेको छ, जसमा नेपाल परिवार दलका अध्यक्ष एकनाथ ढकाल समेत छन् । उनी खासआर्यको दोस्रो नम्बरमा थिए । एमालेले खसआर्य पुरुषतर्फ स्थायी कमिटी सदस्य रघुजी पन्त, एकनाथ ढकाल र दयालबहादुर शाहीको नाम पठाएको छ ।
आदिवासी जनजाति पुरुषतर्फ व्यवसायी देवीप्रसाद भट्टचनसँगै जसपा छाडेर एमाले आएका हेमराज राई र कालुराम राईको नाम पठाएको छ ।
एमालेले चयन गरेका सांसदहरुको नामावली हेर्नुहोस् :
आदिवासी जनजातितर्फ :
पुरुष : देवीप्रसाद भट्टचन, हेमराज राई, कालुराम राई ।
महिला : नैनकला थापा, सूर्यकुमारी श्रेष्ठ, उर्मिला थेवे, ईश्वरी घर्ती, रणकुमारी बलाम्पाकी, शान्ति श्रेष्ठ, सरस्वती सुब्बा
खसआर्यतर्फ :
पुरुष : रघुजी पन्त, एकनाथ ढकाल, दयालबहादुर शाही
महिला ; मेनका पोखरेल, सरिता भुसाल, शोभा ज्ञवाली, विजुला रायमाझी, निर्मला कोइराला, सम्झना थपलिया, दीपा शर्मा, सुनीता बराल
थारु :
आश्माकुमारी चौधरी, शान्ति चौधरी
दलित :
ईश्वरबहादुर रिजाल, प्रभु हजारा पासवान, चन्द्रबहादुर विश्वकर्मा , रुक्मणी राना बराइली, हर्कमाया विश्वकर्मा
मधेशी :
गंगाप्रसाद यादव, अमृतलाल राजवंशी, विना देवी, अमृता अग्रहरि, प्रतीक्षा तिवारी मुखिया
मुस्लिम :
सराज अहमद खान
