दाङ ९ जेठ
पाल्पाको रैनादेवी छहरा गाउँपालिका-२ सर्देवाका ४७ वर्षीय दिलबहादुर बुढाथोकीको रूखबाट खसेर मृत्यु भएको छ । बुढाथोकी घर नजिकै शमीको रूखमा चढेर घाँस काट्ने क्रममा आइतबार लडेर घाइते भएका थिए ।
तानसेनस्थित युनाइटेड मिसन अस्पतालमा उपचारको क्रममा मंगलबार दिउँसो करिब ४ बजे मृत्यु भएको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक वीरेन्द्र थापाले बताए । घटनाबारे थप अनुसन्धान भइरहेको प्रहरीले जनाएको छ ।
