काठमाडौं, २४ जेठ । राष्ट्रिय सभाको बैठक आज बस्दैछ । बिहान ११ बजेर ११ मिनेटमा बस्ने बैठकमा प्रधानमन्त्री पुष्पकमल दाहाल प्रचण्डले भारत भ्रमणबारे जानकारी गराउने छन् ।
त्यसपछि बैठकमा आगामी आर्थिक वर्ष २०८०/०८१ को बजेटमाथिको छलफल हुनेछ । यसअघि मंगलबार बस्ने भनिएको राष्ट्रिसभा बैठक प्रधानमन्त्री दाहालले सम्बोधन गर्न नभ्याउने भएपछि स्थगित गरिएको थियो ।
त्यस्तै आज नै प्रतिनिधिसभा बैठक बस्दैछ । बिहान ११ बजे बस्ने बैठकमा बजेटमाथि बोल्न बाँकी सदस्यहरूले धारणा राख्ने कार्यसूची छ ।
सांसदले धारणा राख्नेक्रम सकिएपछि छलफलमा उठेका प्रश्नको अर्थमन्त्री डा. प्रकाशशरण महतले जवाफ दिनेछन् ।
