- तेस्रो आँखा डेस्क
काठमाडौं, १८ पुस । नेपाली कांग्रेसकी केन्द्रीय सदस्य आरजु राणा देउवा र भारतीय जनता पार्टी (बीजेपी) का महासचिव विजय चौथाइबालेबीच भेटवार्ता भएको छ ।
प्रधानमन्त्री तथा पार्टी सभापति शेर बहादुर देउवाकी पत्नी राणा र चौथाइबालेबीच आइतबार नयाँ दिल्लीमा भेटवार्ता भएको हो ।
व्यक्तिगत कामका लागि नयाँ दिल्ली आएका बेला भेट गरेको बताइएको छ । अकस्मात दिल्ली पुगेकी राणाको दिल्ली जानुको प्रयोजनबारे केही खुलाइएको छैन ।
त्यस्तै, प्रधानमन्त्री देउवा पुसको अन्तिम साता भारत भ्रमणमा जाँदैछन् । भारतीय प्रधानमन्त्री नरेन्द्र मोदीको गृह प्रान्त गुजरातमा हुन लागेको कार्यक्रममा सहभागी हुन देउवा भारत भ्रमणमा जाँदैछन् ।
गुजरातबाटै देउवा नयाँ दिल्ली जाने भएका छन् । प्रधानमन्त्री देउवाको भारत भ्रमण हुनुअघि आरजु राणाको नयाँ दिल्ली भ्रमणलाई अर्थपूर्ण रूपमा लिइएको छ ।
