काठमाडौं । इंग्लिस प्रिमियर लिग फुटबलमा टोटनहम हटस्परले सहज जित हात पारेको छ ।आइतबार राति घरेलु मैदानमा भएको खेलमा टोटनहमले बर्नमाउथविरुद्ध ३–१ को जित हात पारेको हो ।
खेलको नवौं मिनेटमा पापे सारले गोल गर्दै टोटेनहमलाई अग्रता दिलाएका थिए । ७१ औं मिनेटमा सन हियुङ मिनले गोल गर्दै अग्रता दोब्बर बनाए । ८० औं मिनेटमा रिचार्लिसनले गोल गरेपछि टोटनह्याम ३–० को सहज अवस्थामा रहेको थियो । बर्नमाउथका लागि ८४ औं मिनेटमा एलेक्स स्कटले गोल गरेका थिए ।
जितसँगै टोटनह्याम ३९ अंकका साथ तालिकाको पाँचौं स्थानमा यथावत छ । भने बर्नमाउथ १९ खेलमा २५ अंक सहित १२औं स्थानमा छ ।
