काठमाडौं १९ पुस/ नेपाली कांग्रेसले केन्द्रीय कार्यसम्पादन समितिको बैठक बोलाएको छ । कांग्रेसले पार्टी कार्यालय सानेपामा शनिबार दिउँसो १ बजे बस्ने गरी कार्यसम्पादन समितिको बैठक बोलाएको हो ।
बैठकमा राष्ट्रियसभा निर्वाचनमा उठाउने उम्मेदवारका विषयमा छलफल हुने मुख्यसचिव कृष्णप्रसाद पौडेलले जानकारी दिए । राष्ट्रियसभा सदस्यको निर्वाचनका लागि २३ पुसमा उम्मेदवारी दर्ता गर्ने कार्यतालिका छ । राष्ट्रियसभा सदस्यको निर्वाचन भने ११ माघमा हुनेछ ।
मुख्य सचिव पौडेलका अनुसार बैठकमा केन्द्रीय कार्यसम्पादन समितिका पदाधिकारी तथा सदस्यहरूलाई बोलाइएको छ ।
