काठमाडौं, २१ पुस । नेपाली कांग्रेसले अधिवेशन हुन बाँकी रहेका जिल्लाको अधिवेशनको मिति सारेको छ। यही पुस २७ गते गर्ने भनिएका जिल्लाहरुको अभिवेशन माघ १५ गते हुने भएको छ।
अधिवेशन हुन बाँकी रहेका १६ जिल्लाको अधिवेशन पुनः सरेको हो। माघ १२ गते हुन लागेको राष्ट्रिय सभा निर्वाचनलाई मध्यनजर गर्दै जिल्ला अधिवेशन पुनः माघ १५ गतेसम्मका लागि सारिएको कांग्रेस केन्द्रीय निर्वाचन समितिले जनाएको छ।
सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, मकवानपुर, सिन्धुपाल्चोक, चितवन, बाँके, कैलाली, अछाम र नवलपुरका जिल्ला अधिवेशन माघ १५ गते हुने कांग्रेसले जनाएको छ। 
