काठमाडौँ । नेपाल क्रिकेट संघ (क्यान) को जनरल म्यानेजरमा उत्सव ढुंगाना नियुक्त भएका छन् । क्यानले सोमबार एक विज्ञप्ति जारी गर्दै ढुंगानाको नियुक्तिबारे जानकारी दिएको हो ।
क्यानले यसअघि सूचना जारी गर्दै जनरल म्यानेजर पदका लागि दरखास्त आह्वान गरेको थियो । यसका लागि व्यवस्थापन सङ्कायमा मास्टर्स डिग्री गरेको, कम्तीमा पनि ७ वर्षको नेतृत्वको अनुभव भएको र कर्पोरेट सुशासन र नीतिहरूको अनुभव भएको हुनुपर्ने बताइएको थियो ।
