काठमाडौं । काठमाडौंका विभिन्न ठाउँहरूबाट आइतबार ४७ किलो अवैध चाँदीका गरगहना बरामद गरिएको छ ।
काठमाडौंको कोटेश्वर, चोटेबहाल लगायतका ठाउँबाट चाँदीका गरगहनासहित तीनजनालाई पक्राउ गरिएको हो ।
पक्राउ पर्नेमा बाराको कलैया नगरपालिका–१० का ५० वर्षीय कामेश्वर शाह, पर्साको वीरगंज महानगरपालिका–३ का ३२ वर्षीय सुमनकुमार सरार्फ र बाराको विश्रामपुरका २० वर्षीय मनिष सरार्फ छन् ।
राजस्व छली गरी बिल–बिजकबिना चाँदीका गरगहनाहरू भण्डार गरी बिक्रीवितरण गर्ने गरेको भन्ने सूचनाका आधारमा काठमाडौं उपत्यका अपराध अनुसन्धान कार्यालयले पक्राउ गरेको हो ।
चाँदीको गरगहनाको कारोबार गरेका उनीहरूलाई राजस्व छलीसम्बन्धी कसुरमा थप अनुसन्धान तथा कारबाहीका लागि राजस्व अनुसन्धान विभाग हरिहर भवन, ललितपुर पठाइएको जनाइएको छ ।
