काठमाडौं २४ पुस/ म्यानचेष्टर युनाइटेड एफए कपको चौथो चरणमा प्रवेश गरेको छ । तेस्रो चरणको खेलमा प्रिमियर लिग क्लब युनाइटेडले लिग वान क्लब विगान एथ्लेटिकलाई २-० ले पराजित गरेको हो । युनाइटेडका लागि डिएगो डालोटले २२औं र ब्रुनो फर्नान्डेजले ७४औं मिनेटमा (पेनाल्टी) गोल गरे ।
खेलमा युनाइटेड कूल ३३ गोलका प्रयास गरेका थिए । युनाइटेडका म्यानेजर एरिक टेन हागले जित महत्वपूर्ण भएको बताए ।युनाइटेड र विगानबीचको खेलअघि एफए कपको चौथो चरणको ड्र पनि गरिएको थियो । जसमा युनाइटेडले अब लिग टु क्लब न्युपोर्ट कउन्टी वा लन लिग टोली इस्ट लेइघमध्ये एकसँग खेल्नेछ ।
