काठमाडौँ । सत्ता गठबन्धनले राष्ट्रियसभा निर्वाचन गठबन्धनको पक्षमा पार्न राष्ट्रियसभा निर्वाचन समन्वय समिति गठन गरेको छ । गठबन्धनको बैठकले मंगलबार समिति गठन गरेको हो ।
समितिमा कांग्रेसबाट रमेश लेखक, माओवादी केन्द्रबाट वर्षमान पुन, नेकपा एकीकृत समाजवादीबाट राजेन्द्र पाण्डे र जनता समाजवादी पार्टीबाट मनिष सुमन रहेका छन् । सत्ता गठबन्धनका १९ जना उम्मेदवारलाई जिताउन दलहरुसँग समन्वय गर्नका लागि समितिले काम गर्ने जसपाका कार्यकारिणी सदस्य मनिष सुमनले बताए ।
गठबन्धनको बैठकमा चार दल कांग्रेस, माओवादी केन्द्र, नेकपा एकीकृत समाजवादी र जसपाका शीर्ष नेताहरुको उपस्थिति रहेको थियो ।
