पोखरा । पोखरामा जारी टाइगर कप भलिबल प्रतियोगिताको पुरुषतर्फ सशस्त्र प्रहरी बलको एपीएफ क्लबले विजयी सुरुआत गरेको छ । पोखरा रंगशालामा भएको प्रतिस्पर्धामा नेपाल पुलिस क्लबलाई ३–० को सोझो सेटमा हराउँदै एपीएफले विजयी सुरुआत गरेको हो ।
एपीएफले २५–१८, ३३–३१ र २५–१७ को सेटमा पुलिसलाई पाखा लगाएको हो । निकै रोमाञ्चक भएको दोस्रो सेटमा पुलिस २४–१८ को स्थितिमा थियो । लगातार अंक बटुलेको एपीएफले २४–२४ को स्थितिमा पुर्यायो ।
त्यसपछि ३१–३१ को बराबरीमा पुग्यो । अन्तिममा एपीएफले लगातार २ स्कोर ल्याउँदै खेल आफ्नो पक्षमा पारेको हो ।
