दाङ २३ माघ/नेपाली कांग्रेसका नेता शशांक कोईरालाले निर्वाचनमा कांग्रेस गठबन्धन बिना चुनाव लड्नु पर्ने बताएका छन् । नेपाल प्रेस युनियन दाङले मंगलबार घा्राहीमा आयोजना गरेको पत्रकार सम्मेलनमा बोल्दै उनले यस्तो बताएका हुन् । नेता कोईरालाले चुनाव कांग्रेस एक्लै लडेर सरकार बनाउने बेला मात्र गठबन्धन बनाउनु पर्ने बताए ।
अहिले कार्यकर्ताहरुले पनि यो विषय उठाएको उनले बताए । एक फरक विषयमा वोल्दै नेता कोईरालाले सरकारमा काङ्ग्रेसवाट सहभागी भएका मन्त्रीहरुले पार्टीको निर्देशन मान्न छोडेको बताए । नेता कोईरालाले भन्नू भयोस् मन्त्रीहरु आफ्नो भिजन र पार्टीको निर्देशन विना अगाडि बढ्दा विकासले जुन लिनु पर्ने हो त्यो लिएको पाइदैन् उनले भने । समुदायमा काङ्ग्रेस कार्यक्रममा सल्यान जान लागेका नेता कोईरालाले अब कांग्रेसको विधान अनुसार सभापतिमा सम्पुर्ण अधिकार केन्द्रितलाई अब विभाजन गरि संघिय मर्मअनुसार ७ प्रदेशका सभापतिलाई दिने ब्यवस्था वनाउन जरुरि रहेको वताए ।
देश संघियतामा भए पनि काङ्ग्रेस पार्टीको अधिकार केन्द्रीय सभापतिमा हुनु संघियताको कार्यन्वयनमा प्रस्न चिन्ह उठ्नु स्वभाविक रहेको बताए । काङ्ग्रेस पार्टी जनताको हितमा काम गर्न खोजे पनि गठवन्धनका कारण धेरै काम गर्न नसकेको बताए । राजनीतिमा जहिले पनि भिजन बनाएर अगाडि बढाउने या स्थान छोडनु पर्ने नेता कोईरालाले बताए ।
