काठमाडौँ । नाइजेरिया अफ्रिका कप अफ नेसन्स फुटबल प्रतियोगिताको फाइनलमा पुगेको छ । बुधबार राति खेलिएको सेमिफाइनल खेलमा दक्षिण अफ्रिकालाई पेनाल्टी सुटआउटमा ४–२ गोलले हराउँदै नाइजेरिया फाइनलमा पुगेको हो ।
नाइजेरिया र दक्षिण अफ्रिकाबिचको खेल निकै प्रतिस्पर्धात्मक थियो । निर्धारित र थप गरिएको समयको खेल १–१ गोलको बराबरीमा सकिएपछि जित–हारको निर्णय पेनाल्टी सुटआउटबाट गरिएको हो ।
नाइजेरियाले फाइनलमा आइभरी कोस्टसँग उपाधिका लागि भिडन्त गर्नेछ । आइभरी कोस्ट भने कंगोलाई १–० गोलले हराउँदै प्रतियोगिताको फाइनलमा पुगेको हो । फाइनल खेल आइतबार हुनेछ ।
