प्यूठान । प्यूठान नगरपालिका वडा नं. ३ का अध्यक्ष सुमनराज श्रेष्ठले वडा कार्यालयको प्राङ्गणमा २९ वटा मैनबत्ती बालेका छन् । उनले २९औं जनयुद्ध दिवसको पूर्वसन्ध्यामा मैनबत्ती बालेका हुन् ।
वडाध्यक्ष श्रेष्ठले भोलि फागुन १ गते २९औं जनयुद्ध दिवस भएकाले पूर्वसन्ध्यामा आज बेलुकी २९ वटा मैनबत्ती प्रज्वलन गरेको बताए । ‘महान जनयुद्धको २९ औं दिवसको पूर्वसन्ध्यामा प्युठान नगरपालिका– ३ को वडा कार्यालयको प्राङ्गणमा २९ वटा मैनबत्ती बालेर खुशियाली व्यक्त गरिएको हो’, वडाध्यक्ष श्रेष्ठले भने । उनले जनयुद्ध दिवसको अवसरमा सबैमा अग्रिम शुभकामना व्यक्त गरेका छन् ।
