काठमाडौँ । अमेरिका लैजान भन्दै नेपाल ल्याएर भारतीयहरुलाई बन्धक बनाएर राखिएको खुलासा भएको छ । करिब एक महिनाभन्दा बढी समयदेखि भारतीय नागरिकहरुलाई राजधानीको रातोपुलस्थित एक घरमा बन्धक बनाएर राखेको खुलेको हो ।
प्रहरीले विशेष सूचनाको आधारमा खानतलासी गर्दा ११ जना भारतीयको उद्धार गरेको छ । यस्तै बन्धक बनाउने कार्यमा संलग्न ७ जना पनि पक्राउ परेका छन् ।
पीडितहरुले एजेन्टलाई ४५ लाखसम्म बुझाएको प्रारम्भिक अनुसन्धानबाट खुलेको जिल्ला प्रहरी परिसर काठमाडौँका एक अधिकारीले जानकारी दिए ।
ती अधिकारीका अनुसार नेपाल ट्रान्जिट बनाएर दलालहरुले उनीहरुलाई अमेरिका लैजाने प्रयास गरेको खुलेको छ । उद्धार भएका पीडितहरु पन्जाव, हरिणानालगायतका स्थानको भएको बताइएको छ भने सबै पुरुष हुन् ।
