विराटनगर । नागरिक उन्मुक्ति पार्टीेले कोसी नाम अमान्य भन्दै पहिचानका आधारमा कोकिली प्रदेश बनाउन माग गरेको छ ।
इलामको चुलाचुली गाउँपालिका–४, आइतबारेमा बसेको सचिवालय बैठकबाट कोसी प्रदेशविरुद्धका आन्दोलनप्रति ऐक्यबद्धता जनाउने निर्णय समेत गरिएको छ ।
कोसी खारेजसँगै पहिचान झल्काउने गरी कोचिला, किरात, लिम्बुवान प्रदेश (कोकिली) नामकरण गरिनुपर्ने पार्टीले माग गरेको छ । यो नामबारे पहिचानवादी संघसंस्था र सबै राजनीतिक दलहरूसँग निरन्तर छलफल गर्ने निर्णय गरिएको पार्टीका महासचिव ठाकुरसिंह थारुले जानकारी दिए ।
यस्तै, ०८१ मा हुने संघ, प्रदेश र स्थानीय तहको उपनिर्वाचनबारे छलफल गरी पार्टीका तर्फबाट उमेदवारी दिनेलगायत निर्णय गरिएको थारुले बताए ।
