चितवन ८ फागुन/पूर्वी चितवनको खैरहनी नगरपालिकामा एक युवाको हत्या भएको छ । मङ्गलबार बिहान ३ बजे घरबाट निस्किएका खैरहनी नगरपालिका–२ निवासी २४ वर्षीय कृष्णप्रसाद खनाल घर नजिकै हर्बल कारखाना अगाडि मृत भेटिनुभएको हो ।
जिल्ला प्रहरी कार्यालय चितवनका अनुसार खनालको कोखामा छुरी रोपिएको छ । खनालको हत्या कसले र किन गरियो भन्ने खुल्न नसकेको प्रहरीले जनाएको छ । अहिले घटनास्थलमा तालिमप्राप्त कुकुर लगेर अध्ययन भइरहेको बताइएको छ ।
