काठमाडौं । राष्ट्रिय प्रजातन्त्र पार्टी राप्रपा केन्द्रीय कार्यसम्पादन समिति बैठक सोमबार पनि बस्दैछ। सम्भवत बैठक आजै समापन हुने र बैठकका निर्णयहरूलाई आज नै सार्वजनिक गरिने कार्यक्रम रहेको जनाइएको छ।
शनिबारदेखि शुरु भएको बैठकमा राप्रपाले अगाडि सारेको आन्दोलनका कार्यक्रम र कार्ययोजनाबारे छलफल भइरहेको प्रवक्ता मोहन श्रेष्ठले जानकारी दिए। बैठकमा समसामयिक राजनीतिक परिस्थितिबारे पनि छलफल भइरहेको छ। बैठकका निष्कर्ष सोमबार नै सार्वजनिक गर्ने तयारी रहेको प्रवक्ता श्रेष्ठले जानकारी दिए।
