दाङ, १४ चैत्र । दाङमा घाँस काट्न गएको समयमा भिरबाट लडेर युवतीको मृत्यु भएको छ । मृत्यु हुनेमा बबई गाउँपालिका वडा नं. ७ मलै निवासी रोबर बहादुर घर्तीको १८ वर्षिया छोरी करिष्मा घर्ती रहेको प्रहरीले बताएको छ ।
बुधबार विहान साढे ८ बजेको समयमा स्यानी खोला जंगलमा साथीहरुसँग घाँस काट्न गएको समयमा घर फर्किने क्रममा उनी अचानक भिरबाट लडेकी थिइन् ।
करिब ६५ मिटर तल लडेर मृत्यु भएको शवको प्रक्रिया पुरा गरी पोष्टमार्टम पश्चात अभिभावकलाई जिम्मा लगाइएको इलाका प्रहरी कार्यालय तुलसीपुरका प्रहरी निरीक्षक नवचन्द्र मल्लले जानकारी दिए ।
