इजिप्टका विदेशमन्त्रीले गाजामा युद्धविरामका लागि नयाँ प्रस्ताव आउनेमा आफू ’आशावादी’ रहेको बताउनुभएको छ ।
साउदी अरबमा आयोजित विश्व आर्थिक मञ्चको रियादमा भएको सम्मेलनमा सामेह शौकरीले भन्नुभयो, “टेबलमा एउटा प्रस्ताव छ र यो दुवै पक्षले विचार गर्ने र स्वीकार गर्नेछ भन्नेमा हामी आशावादी छौँ ।”
उहाँले प्रस्तावमा दुवै पक्षको अडानलाई ध्यानमा राखेको बताउनुभयो ।
“हामी अन्तिम निर्णयको पर्खाइमा छौँ । दुवै पक्षको निर्णयमा प्रभाव पार्ने कारकहरू छन्, तर सबै यस अवसरमा उठ्नेछन् भन्नेमा मलाई आशा छ ।”
इजिप्ट, कतार र संयुक्त राज्य अमेरिकाले महिनौंदेखि इजरायल र हमासबीच भएको सम्झौतामा मध्यस्थता गर्ने प्रयास गरिरहेका छन्, तर पछिल्ला दिनहरूमा कूटनीतिमा आएको उतारचढावले युद्ध रोक्ने दिशामा नयाँ धक्का दिएको देखिन्छ ।
गाजामा युद्धविराम र करिब सात महिनाको युद्धपछि बन्धकहरूलाई रिहा गर्ने इजरायलको पछिल्लो प्रस्तावको जवाफ दिन हमासको एक प्रतिनिधिमण्डल सोमबार इजिप्ट जाने कार्यक्रम तय भएको बताइएको छ ।
हमासका एक वरिष्ठ अधिकारीले प्यालेस्टिनी समूहको पछिल्लो युद्धविराम योजनामा कुनै ‘ठूलो समस्या’ नरहेको बताएका छन् । “इजरायलको नयाँ अवरोध नआएसम्म वातावरण सकारात्मक हुन्छ,” नाम नबताउने शर्तमा ती अधिकारीले एएफपीसँग भने ।
