रतलाम, २८ वैशाख । भारत, मध्य प्रदेशको रतलाम-झाबुआ संसदीय क्षेत्रका कांग्रेस उम्मेदवार तथा पूर्व केन्द्रीय मन्त्री कान्तीलाल भुरियाले अनौठो बयान दिएका छन् । उनले दुई श्रीमती भएकाले वार्षिक २ लाख रुपैयाँ पाउने बताएका छन् ।
कांग्रेस प्रदेश सभापति जितु पटवारी र पूर्व मुख्यमन्त्री दिग्विजय सिंहको उपस्थितिमा सेलानामा कांग्रेस उम्मेदवार भुरियाको समर्थनमा जनसभा आयोजना गरिएको थियो । सो अवसरमा भुरियाले कांग्रेसको घोषणापत्रलाई उद्धृत गर्दै कांग्रेस सत्तामा आए महिलालाई वार्षिक १ लाख र दुई श्रीमती भएकालाई २ लाख दिने बताए ।
सो अवसरमा पार्टीका प्रदेश अध्यक्ष जितु पटवारीले पनि भुरियालाई समर्थन गर्दै तपाईका भावी सांसद कान्तिलाल भुरियाले ठूलो घोषणा गरेको बताए । जसको दुई श्रीमती छन् दोब्बर पाउँछन्।
