तुलसीपुर ५ असार । तुलसीपुरमा एक ५८ वर्षीया बृद्धा मृत फेला परेकी छिन् । तुलसीपुर उपमहानगरपालिका वडा नं. ७ ग्वारखोला निवासी ५८ वर्षीया ठगी खनाल आफ्नै घरमा मृत फेला परेकी हुन् ।
बुधबार बिहान ७ बजेसम्म घरको ढोका नखुलेपछि स्थानीयले प्रहरीलाई खवर गरेका थिए । साढे ७ बजेको समयमा प्रहरी टोली त्यहाँ पुगेर ढोका खोल्दा खनाल आफ्नै कोठामा मृत अवस्थामा फेला परेको ईलाका प्रहरी कार्यालय तुलसीपुरले जनाएको छ ।
खनाल पहिलेदेखि नै बिरामी रहेको स्थानीयले बताएका छन् । उनको श्रीमान नरहेको र छोराहरु संग छुट्टिएर एक्लै बस्दै आएकी थिइन् ।
