दाङ २१ असार/ लुम्बिनी प्रदेश सरकारबाट एमाले बाहिरिएको छ । बिहीबार नेकपा एमालेका पाँच जना मन्त्रीले सामूहिक राजीनामा दिएका छन् ।
सरकारलाई दिएको समर्थन फिर्तासँगै लुम्बिनी सरकारमा रहेका एमालेका पाँच जना मन्त्रीले राजीनामा दिएका हुन् । मुख्यमन्त्री जोखबहादुर महरालाई बिहीबार बेलुका सरकारी निवासमा भेटेर मन्त्रीहरूले सामूहिक राजीनामा दिए ।
आर्थिक मामिला मन्त्री चेतनारायण आचार्य, शहरी विकास तथा खानेपानी मन्त्री भूमिश्वर ढकाल, आन्तरिक मामिला मन्त्री दिनेश पन्थी, सामाजिक विकास मन्त्री रत्न खत्री र वन तथा वातावरण मन्त्री अर्जुन केसीले राजीनामा दिएको बताइएको छ ।
