तुलसीपुर २४ असार/ तुलसीपुरमा च्याउ टिप्न गएको समयमा बाघले चिथोरेर तीन जना महिला घाइते भएकी छिन् । मंगलबार बिहान साढे ६ बजेको समयमा तुलसीपुर ९ स्थित नवदुर्गा सामुदायिक वनमा च्याउ टिप्न गएको समयमा बाघले चिथोरेर महिलाहरु भएकी हुन् ।
घाइते हुनेमा तुलसीपुर ९ बेलुवा निवासी ४५ वर्षीया कमला बिक, सोही ठाउँकी ५२ वर्षीया सिता कुमारी भण्डारी र १८ वर्षीया सरिता भण्डारी रहेका छन् । तिनै जनाको अवस्था सामान्य रहेको ईलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिए । घाइतेहरुको राप्ती प्रादेशिक अस्पताल तुलसीपुरमा उपचार भईरहेको छ ।
