दाङ, साउन ४ । दाङको तुलसीपुर उपमहानगरपालिकामा मोटरसाइकल दुर्घटना हुँदा एक जना घाइते भएका छन् । शुक्रबार विहान नौ बजेतिर तुलसीपुर–६ स्याउली बजारमा भएको मोटरसाइकल दुर्घटनामा मोटरसाइकलको पछाडि सवारी महिला घाइते भएको इलाका प्रहरी कार्यालय तुलसीपुरले जनाएको छ ।
प्रहरीका अनुसार तुलसीपुर बजारतर्फ आउँदै गरेको रा७प ७८२ नम्वरको मोटरसाइकल दुर्घटना हुँदा ४५ वर्षीया हिमाकुमारी महतरा घाइते भएकी हुन् । उनको राप्ती प्रादेशिक अस्पताल तुलसीपुरमा उपचार भइरहेको छ ।
